طريقه عمل الكيك على طريقتى خطوه بخطوه وبالصور من مطبخى

أول حاجه المكونآت ..
2 كوب دقيق + 4 بيضآت + 1/2 كوب زيت عباد الشمس + كوب سكر + 1/2 ملعقه كبيره محسن كيك إللى زى الفآزلين + محسن كيك وبكينج بودر 2 فى 1 وحاوريكم صوره كل حاجه من المكونات + كيس فانيليا أو أقل من ربع معلقه صغيره فانيليا خآم + 1/2 كوب لبن ..
ودى المكونات ..

.. وده الدقيق إللى بستخدمه فى عمل الكيك بجد بجد فوق الروعه جميييييييل جداً جداً وبجيبه من فتح الله ..

وياريت ياريت يا فتوكات ماتزودوش الزيت عن المقدار ده عشان الكيك يطلع مظبوط وميبقاش مبعنن ويلغوص أيديكي وانتي مسكاه بتكليه مبيبقاش لطيف خالص ف ضرورى إنك تحطى بالمقدار الصح زى ده ..

وده يا فتوكات محسن الكيك أنا اعرف فى فتوكات مش عارفينه لانى لاقيت تساؤلات كتيره عنه .. ده شكله وبيتجاب من عند العطارين الكبار انا برده بجيبه من فتح الله الكيلو ب 25 تقريباً باخد منه المقدار ده بس للكيك بتاعى ..

ودى الفانيليا اللى بستخدمها يا حبايب قلبى دي بتبقا خآم والعلبه جواها كميه صغيره يعنى مش بتبقى مليانه فـ انا باخد حوالى نصها وبرده حاحطلكم المقدار بالظبط تحت ..

وده البيكنج بودر على محسن كيك ده موجود عند أى بقال إن شاء الله وبجد بيخلى الكيك جميل جربوه وحاتدعولى بدل البيكنج بودر المعتاد

وده مقدار الفانيليا اللى حنحتاجه فى الإستخدام ركزو كويس الله يخليكم ولو كانت خام إوعو تكترو لاتبوظو الدنيا ويطلع طعم الكيك بيلسع اللسان .. ولو كان كيس عادى اللى فيه فانيليا بالسكر حطوه كله عادى لكن خدو بالكم من الخام ..

كده خلصنا من المكونات ندخل بقى ع الطريقه يا حبايب قلبى ..

بنكسر البيض فى الخلاط ونحط عليه مقدار الفانيليا ونضربه كويس اوى اوى لغايه لما يبقا الشكل كده ..

وبعدين نضيف عليه السكر كده ..

وبعدين نضيف الزيت برده كده مع السكر ..

وبعدين نضربهم كويس اوى اوى مع بعض لما يتجانسو خالص ونجيب وعاء يكون غويط شويه ونكب فيه الخليط كده ..

وده بيكون شكل الخليط معانا لما بنحطه كله صوره أقرب عشان تبقا واضحه ..

وبعد كده نحط شويه دقيق ونقلب بمعلقه ..

وطبعاً مش بنحط الدقيق دفعه واحده يعني نص كوبايه ونخلط وبعدين نص كوبايه ونخلط والتقليب مستمر برده كده ..

وبعد كده فى أخر شويه من الدقيق الى فاضلين معانا بنحط معاهم المحسن والبودر كده ..

وبرده نحط المحسن اللى زى الفازلين كده مع البيكنج 2 فى 1 ..

وده بيبقى قوام العجينه معانا بعد كل الاضافات ..

طبعاً بنضيف اللبن بقى وده بيكون أخر حاجه عشان نخلى العجينه قوامها مظبوط ..

وطبعاً برده بنحط اللبن واحده واحده لغايه لما نخلص مقدار النص كوبايه .. لغايه لما تبقى العجينه بالشكل ده ..

يـــــــــــتــــــــبـــــــع ..

يلا نكمل يا حلوين ..

بنجيب الصينيه اللى حانعمل فيها الكيك ونحط فيها حته سمنه مش كتيره بالمقدار البسيط ده ..

وندهنها كده

ونرش عليها دقيق حاجه خفيفه كده عشان الكيك مايلزقش وهو فى الفرن ..

وبعدين نصب فيها الخليط ونكون مسخنيين الفرن قبل شويه طبعاً .. وده بيكون القوام بتاع العجينه ويكون جاهز للفرن ..

ونصب لغايه كده عشان لما تعلا فى الفرن تاخد راحتها وتبقى منفوشه ..

وده شكل الصوص بعد ما عملته والكيك فى الفرن طبعاً ده صوص فراوله ..

وده شكل الكيك بعد ما طلع من الفرن قولو ماشاء الله

وده بعد ما قطعته طبعاً بعد ما برد شويه ..

يلا إفتحي بوءك يا قمراية همممممممممم يا جمل هههههههه

وده شكل للكيك اقرب ..

وده بعد ما حطيت الصوص على الكيك ..

يارب تكون الطريقه مبسطه يا قمرات ويكون الكيك عجبكم